Nasrul Abit - Indra Catri | Sumbar Unggul Untuk Semua


Nasrul Abit - Indra Catri | Sumbar Unggul Untuk Semua


N Niat elok tujuan suci
A Akan babuek sapanuah ati
S Sabagai bhakti untuak nagari
R Raso prihatin dan piduli
U Untuak Sumbar yang baprestasi
L Langkahkan kaki dengan pasti


A Alhamdulillah ado kesempatan
B Babuek untuak kamaslahatan
I Iman dan taqwa sebagai landasan
T Tantu sadonyo ateh ijin Tuhan

 

I InshaAllah kami baduo
N Nyampang tapiliah dek nan basamo
D Dibari amanah dan dipicayo
R Ragu ilang sumangaik tibo
A Akan mambangun nagari tacinto


C Cadiaik indak pandaipun bukan
A Adat jo sara' kajadi tuntunan
T Tagak ditangah kabanaran
R Raso jo pareso kajadi pakaian
I Ikolah modal kami bajalan


VISI dan MISI - SUMBAR UNGGUL UNTUK SEMUA


Sebagai nagari yang bapaga adat, Basandi syara' jo Kitabullah, Di jago marwah jo martabat, sabagai warisan dan amanah.

Untuak ke unggulan Sumatera Barat, disagalo segi sagalo bidang, unggul untuak semua umat, bukan untuak segelintir urang.

Mambangun phisik sarato mental, bangun sarana dan prasarana, masyarakat yang religius dan spiritual, dilingkuang tradisi jo budaya.

Birokrasi dirampiangkan, pintu korupsi dipasampik, dipaleba labuah jo jalan, dikambangkan industri jo pabirik.

Agro bisnis agro wisata, sarato biro pajalanan, Turis asiang mancanegara, dibari akses kamudahan.

Roda ekonomi di palanca, UMKM dikambangkan, Satiok kota di satiok pasa, Saluruh padagang kabagian.


Usaho makro dipagadang, usaho mikro dipabanyak, barami-rami mangko ka lapang, surang-surang taraso sasak.

Nan lah elok samo diparancak, nan kurang samo dipaelok i, lah saiyo niniak jo mamak, bumi tanang padi manjadi.

Gantiang putuih biang kok tabuak, mukasuik sampai di ama pacah, inshallah Sumatera Barat isuak, salalu di dalam ridho Allah.

Galang persatuan dan kesatuan, saluruh unsur di masyarakat, demokrasi samo ditagakan, nan rajo kato mufakat.

Ukua jo jangko ka takaran, nak jan talabiah jo takurang, iman di ambiak ka sandaran, aka ka jadi anak timbang.

Luluih pinjaik luluih kulindan, iko nan samo kito jago, harago diri jo kahormatan, martabat di ateh sagalonyo.


Untuak investor dari lua, pananaman modal asiang, kito tarimo jo tangan terbuka, tantu paralu kito sariang.

Nan lai saliang mauntuangkan, Urang ndak rugi awak balabo, iko nan paralu kito terapkan, nak jan bak kato urang sajo

Tagakkan aturan jo undang-undang, Bukan bapiliah babinjek-binjek, kok ma ukua samo panjang, kok manimbang samo barek.

Untuak mamimpin Sumatera barat, bukan jo cadiak dan pandai sajo, tau jo syara' paham jo adat, disinan bijak baru basuo.

Kok tagangnyo amuah maleo, kanduanyo badantiang-dantiang, bukan bajoak emosi jo ego, baradu cadiak baradu santiang.


Sungguahpun kawek nan dibantuak, ikan dilauik nan dihadangnyo, mudah-mudahan di pamilihan isuak, kami baduo dunsanak picayo.

Elok diambiak ka tauladan, buruak nak samo di paelok i, sumbar butuh parubahan, manyonsoang arus teknologi.

Mambangkik batang tarandam, hanyuik basamo mamintehi, mari bagandeang baganggam tangan, mambangun kampuang jo nagari.

Usaho dan do'a karajo kareh, diiriangi iman jo ketaqwaan, putuih disambuang singkek diuleh, salanjuiknyo tingga Kuaso Tuhan.

Ateh namo kami baduo, NASRUL ABIT dan INDRA CATRI, Salam ka dunsanak basamo, JAN LUPO di PEMILU nanti..


(tim)



Posting Komentar

0 Komentar